سبحان ربي

السلام عليكم


سبحان ربي .. يوم كنا نتلاقى
من غير صدفه والوعد في محله
راحت بنا أيام .. وحنا رفاقا
واليوم أشوفه حد سيفه يسله
اجروح قلبي ومنه الدم راقا
وأسقاني مرالهجر والصد دله
يومه بصده مشهرً لي فراقا
خله على ما قيل دربه يدله
ذوقني طعم الهجر مر المذاقا
صاير يجازيني بوصله مقله
دايم يواصلني بشين الملاقى
حتى حجاجه رافض انه يفله
وإذا معي حزنه.. وهمه وفاقا
ولا معا غيري بضحكه يعله
وصلتّه بحبلي إلى أبعد نطاقا
وحبله قصيرً ما تعدى محله
يمل قلبً ساقه الهم ساقا
بسباب فعله صايبه كل عله
يا من سألني وين اعز الصداقا
ليتك تبشر قلبي اليوم مله
وقله بعد عقلي صحا وأستفاقا
عود صوابه وأبتعد عن مضله