المختلف

السلام عليكم

المختلف شريتها وكنت سهران
وقريت ما فيها وأعود أرده
كلام منك يا أبن مكتوم الإنسان
يا بحر شعر ٍ ما قدرنا نعده
بغوص في بحرك وبهديك مرجان
در القوافي فكر منك استمده
كتبت شعرٍ داخل العين ما هان
إلا بعد ما هاض شعرك بمده
عرفت أنه فن و أحساس فنان
هو حبك قاف ٍ ما هو بكثر سرده
ورمعي (أصيل الخيل) والوصف خوان
وتركت وصفه وسط قافك تعده
لأنك تعشقه و أنت وياه خلان
ومابه أصيل ٍ داخل العين قده
كل الأصايل كفو من دون نقصان
في عيون من يسقي الأصايل بوده
ما اظن به مثلك بهن دوم هيمان
ومن عشقه إلهن يسهر الليل وحده
يا الشاعر الخيال بك عز لك شان
يا الفارس الضرغام ما أحدٍ يضده
يا شعور يااحساس ٍويا نبض شريان
يا سيل خير ٍ لا أندفق فاق سده
يا اللي سهرت لشعب مافيه خسران
لأنه معك كنه بجنه تلده
عن حاجة لشعوب وشوية اوطان
كل شي يحتاجه بيلقاه عنده
أفعال تسبق قول من قبل الإعلان
يا الوافي اللي يوفي وعود وعده
هذا الثرى اصبح لك صفوف بنيان
كنها جنود تصف لا صاح جنده
ونطح السحاب الرمز للناس برهان
مجدٍ لمجدك ضاف للمجد مجده
من عهد أبن مبطي الى عهدك الآن
دبي تذكر بين روحه ورده
وسلام يا حمدان يا الشيخ حمدان
يا اللي جعلك ابوك ولي عهده
نسخه نسخها الله من إنسان لانسان
نفس الطموح اللي من عهود جده
وشعرٍ ما يكتب فـ آل مكتوم ندمان
راعيه لوه فاق بالشعر حده
سهرتني وأكيد أنا الحين سهران
أقرا بشعرك وأرجع امرار ارده
وهاض الشعور اللي على حد الاذان
وكتبت شعري فيك والحين اعده
مالي مراد الا كما شخص ظميان
وده بسيل رضاك والله وده

مشكوووووووووووووووووووووووراخوي